La campagna Fairtrail vegn lantschada ils 21 da matg durant la Cycle Week. Nus essan preschents ensemen cun l’IMBA, ils Fairdinands e represchentants dal Vallais. En il medem mument vegn publitgà il nov video cun Nino Schurter sco er ina communicaziun per medias.

Cordials salids da l’uffizi Fairtrail
Kevin & Angelika 👋

Tavla d’infurmaziun cun il Cudesch Fairtrail

A partir da subit pon vegnir empustadas tavlas d’infurmaziun cun il Cudesch Fairtrail en il webshop. Las tavlas pon vegnir retratgas gratuitamain e stattan a disposiziun en quests formats:

• Tavlas da reclama ord aluminium en ils formats A1 / A3 / A4
• Placats (papia) en ils formats A3 / A4

Nua fa quai pli senn d’attirar l’attenziun sin Fairtrail? Nus recumandain lieus nua che glieud fa pausa, per exempel:

• Plazzas da far fiug
• Plazzas da picnic
• Puncts panoramics
• Bancs da viandar
• Staziuns da pendicularas

Nus ans legrain dad observar il Cudesch Fairtrail prest en blers lieus dal chantun! 🤩

Actualisaziun davart la disponibilitad dals giveaways

Ils suandants giveaways èn uss disponibels en il webshop:

• Clavetta
• Fixa per clavetta
• Turta da nuschs
• Pendul per bikes
• Brotschas
• Factsheets
• Divers stickers
• Bandieras da plaja
• Tavlas d’infurmaziun cun il Cudesch

A partir da la mesadad da zercladur èn er quests artitgels puspè en stock:

• Sets da plasters
• Zucher d’iva
• Crema da sulegl

Elements da text per Vossa communicaziun Fairtrail

Per che Vus possias comunicar la campagna Fairtrail senza gronds sforzs, avain nus preparà texts da basa. Quels pon vegnir integrads en Vossa communicaziun – sco p.ex. newsletters, infurmaziuns, brochuras, websites, etc. Ils texts pon vegnir adattads.
En il pac da datas chattais Vus er illustraziuns adattadas, logos e bler auter material.

Plan da communicaziun 2025

Nua ha lieu tge e tge mesiras da communicaziun èn planisadas per quest onn? Vus chattais in survista en il plan da mesiras 2025. Il diagramma vegn actualisà cuntinuadamain.