En questa Fairmail tut gira enturn il lantschament da la campagna Fairtrail 2025. Vus vegnis a savair nua ch’ins po chattar il logo actual da Fairtrail, tge materials da sustegn che stattan a disposiziun e tge che ha gì lieu durant la roadshow.

Cordials salids da l’uffizi Fairtrail
Kevin & Angelika 👋

Niev logo Fairtrail

Per la communicaziun da la campagna actuala da Fairtrail è vegnì adattà il logo. Per plaschair duvrai a partir d’immediat be pli il nov logo. Vus chattais tut ils documents impurtants sco er il pac digital cun tut ils datains.

Sustegn tar la concepziun d’elements Fairtrail en voss agens meds da communicaziun:

En collavuraziun cun nossa agenzia As sustegnain nus gugent tar la creaziun e concepziun d’annunzias e d’auters meds da reclama – cun resguardar las directivas CI/CD da Fairtrail – ad in pretsch spezial:
Ina annunzia pronta per stampa custa ca. CHF 200 excl. MWST. Ulteriuras prestaziuns sin dumonda. Sche vus avais interess, annunziai-vos tar Kevin via e-mail.

Factsheet per purschiders da prestaziuns

Nus avain elavurà in factsheet che cuntegna tut las infurmaziuns davart Fairtrail, la campagna actuala e ses antecessurs. Il document dat a tut ils purschiders da prestaziuns ina survista cumplessiva da la situaziun da coexistenz en il Grischun e da Fairtrail. El sa drizza en spezial a persunas che prendan decisiuns, sco represchentants da vischnancas, managers da product da DMOs e funicularas.

Cuntegn:

• Co funcziuna la coexistenz en il Grischun?
• Tge sfidas concretas existan?
• Tge è Fairtrail?
• Co communitgescha Fairtrail?
• Tge pon ins far concretamain en las destinaziuns?

Vus pudais empustar il document sco versiun stampada en il webshop u telechargiar el online.

Plan da mesiras 2025

Tge vegn fatg nua e tge mesiras èn planisadas per l’onn current? Vus chattais ina survista en il plan da mesiras 2025. Il diagram vegn actualisà cuntinuadamain.

Fairtrail Roadshow

Kevin è stà durant las ultimas emnas en l'entir chantun ed ha visità plirs lieus, manà bleras conversaziuns ed exponì la campagna actuala. Per tuts che n’han betg pudì esser preschents, mettain nus a disposiziun las prelegias sco er in video en furma d’in webinar online.

Curs Fairdinand en la Story Thusis

Per l’emprima giada ha il curs Fairdinand gì lieu directamain sin il lieu – cun grond success: Radund 20 participantas e participants han retschavì inputs pratics davart temas sco l’economia alpina, animals selvadis, protecziun da la natira, communicaziun e gestiun da conflicts. Uschia èn els bain preparads per lur insatgs sin las rutas.