Retrospectiva: Fairtrail Kickoff 2026

Al Fairtrail Kickoff dals 13 da mars 2026 a Thusis èn radund 50 persunas centralas ord l’entir chantun sa reunidas. La constataziun principala: Fairtrail funcziuna mo ensemen. Destinaziuns, vischnancas, purschiders da prestaziuns, Fairdinands e partenaris da project tiran tuts en la medema direcziun – e gist quai è la forza da la campagna.

La coexistenza en il Grischun vegn vivida sco in’autentica evidenza. Tuttina è daventà cler: ina convivenza respectuosa resta ina incumbensa permanenta che dovra vinavant mesiras concretas, prioritads claras e collavuraziun.

Per la stagiun 2026 stattan en il focus spezialmain ils suandants temas:

• Sensibilisaziun pli ferma e scolaziun da persunas cun contact cun giasts
• Svilup da la communicaziun e dals tools (p.ex. website, cuntegns, videos)
• In’anc pli ferma integraziun da Fairtrail en las destinaziuns ed a las occurrenzas
• Extensiun da la campagna B2C cun in ferm ancorament regiunal

In element central resta il contact direct:
Ils Fairdinands restan ina clav impurtanta per l’effect. Els fan Fairtrail perceptibel sin il lieu e promovan il dialog cun giasts.

Fairtrail è bain francà e sa sviluppa vinavant consequentamain cun tut ils partenaris involvids.
Nus ans legrain da cuntinuar questa via cuminaivla e giavischain a Vus ina stagiun d’outdoor cun bleras experientschas.

Il rapport cumplett, maletgs sco er ulteriurs documents chattais Vus via il link.