La stagiun d’ordaifer è lantschada: Noss Fairdinands èn en viadi cun lur nov outfit, l’ambasadur da Fairtrail Nino dat sco adina tut per ina convivenza respectuosa, ed ils giveaways vegnan cumandads e distribuids cun gronda motivaziun.
Nus giavischain a tuts ina stagiun cun bler plaschair ed in grond success!⛰️☀️🌿

Cordials salids da l’uffizi Fairtrail
Kevin & Angelika 👋

Fairtrail – Actualitad

Ils emprims impiegats da Fairdinand han gia gì lieu cun success. Il nov video cun Nino ed ina communicaziun per medias (vesair pachet da datas) èn vegnids publitgads. Nus essan stads preschents a la Cycle Week cun in stan ensemen cun l’IMBA ed ils Fairdinands dal Vallais.

Las reservas èn vegnidas cumplettadas – ils suandants giveaways stattan a disposiziun en il webshop:

• Schellinas
• Penduls per schellinas
• Turtinas cun nuschs
• Penduls per bikes
• Brotschas
• Factsheets
• Tavlas d’infurmaziun cun il Cudesch da cumpurtament
• Sets da plasters
• Dutschers d’uvas
• Crema da sulegl
• Sutmais per bavrondas
• Divers stickers
• Beachflags

Factsheet per cusseglier*as da giasts

Vus pudais instruir voss collavuraturs e collavuraturas en il servetsch da giasts en moda simpla e preparar els bain per Fairtrail. Il factsheet stat a disposiziun sco versiun digitala u sco brochura da cumandar. > Al webshop

Quest factsheet porscha a persunas cun contact direct cun giasts las infurmaziuns principalas davart Fairtrail e la coexistenza:

• Co funcziuna la coexistenza en il Grischun?
• Tge è Fairtrail?
• Co communitgescha Fairtrail?
• Tge pon cusseglier*as da giasts far concretamain?

Agid per agid a sasez – mesiras individualas cun sustegn da planisaziun

Fairtrail metta a disposiziun divers tools per sensibilisar giasts ed indigens ad ina convivenza respectuosa cun e en la natira – online ed en il lieu. En il pachet da datas digital chattais Vus tut il necessari per integrar Fairtrail en Voss chanals da communicaziun.

E nus giain anc in pass enavant: Vus avais sfidas specificas u ideas persunalas?
Nus sustegnain Vus tar l’implantaziun dals tools Fairtrail existents e/u tar la planisaziun da mesiras individualas adattadas a Voss basegns.

Exempels ord la pratica:

• Engiadin’Ota: 10'000 satgets da rument «Clean Engadin» cun il logo Fairtrail – visibels e pratics.
• Engiadina Scuol Zernez: Campagna davart ils Fairdinands e Fairtrail – locala, chapibla, ed efficazia.

Nossa finamira: Crear soluziuns individualas nua ch’i fa basegn – ed utilisar sinergias che pon esser d’utilitad er per autras regiuns.
Per infurmaziuns supplementaras contactai direct Christa Häberlin ➡ christa@tu-risch.ch

Templates per Social Media

Per la communicaziun da Fairtrail via Social Media avain nus preparà templates. Quests stattan a disposiziun en il pachet da datas sut la rubrica «Communicaziun». Ils suandants temas èn ideals per promover Fairtrail:

• Cudesch da cumpurtament Fairtrail
• Fun Facts
• Fairdinands