Nus ans annunzchain cun in update per la stagiun d’atun e giavischain a Vus vinavant bler success, bellas experientschas en la natira ed eveniments reussids. 🍂☀️⛰️

Cordials salids da l’uffizi Fairtrail
Kevin & Angelika 👋

Noss Cudesch da cumpurtament

Il Cudesch da cumpurtament Fairtrail resumescha curt e precis ils valurs fundamentals da Fairtrail.
Per che quest cudesch saja visibel en l’entir chantun, pudais Vus empustar el sco placat u sco tavla d’aluminium en differentas furmas e linguas.
Las tavlas han la pli gronda effectivitad en lieus nua che la glieud fa pausa, sco per exempel:

• Plazzas da fieu
• Plazzas da picknick
• Puncts panoramics
• Bancs da viandar
• Staziuns da funicularas

In exempel fitg bel chattais Vus tar las pendicularas a Savognin 🤩

Fairtrail Give-Aways

Essais pronts per l’atun? En il deposit avain nus anc blers giveaways nizzaivels ed enconuschents. Per exempel ils sutmais Fairtrail per bavrondas: 5 motivs cun fun facts che dattan da surprair, da discutar e da surrir.

Video d’imagine e Reels

Il video d’imagine da Fairtrail chattais Vus en il pachet da datas digital.
Nov: da mintga secziun dal video è vegnì creà in curt reel optimà per social media. Cun il link arrivais Vus tar ils videos.

Sustegn en il lieu

Il team Fairtrail po sustegnair Vus sin plazza en situaziuns difficilas areguard la coexistenza. Sin tscherts trajects da via datti adina puspè conflicts. Ina serrada parziala na schlia savens betg il problem da basa. Avant che pensar a serrar vias, fiss pli raschunaivel da realisar ina sensibilisaziun intensiva cun Fairtrail, integrond forzas localas ed en cumbinaziun cun mesiraziuns da frequenza e cun ina gestiun digitala da las rutas. Nus essan gugent Voss contact per quai: E-Mail

Fairtrail tar il curs da prova da trailrunning per uffants

Var 20 uffants han empruvà d’enconuscher Jori durant il curs da prova da trailrunning dal Ferienpass Viamala.
Jori è en vardad in mungg sco tut ils auters. Mo el vuless esser uschè sguliv sco il squilat Mena u uschè segir en il pass sco il steinbuc Cassian.
Ils uffants han pudì trenar quai en moda ludica a tschintg differentas staziuns en il Trailcenter Thusis, che ha purschì cundiziuns idealas per sa mover, avair plaschair ed emprender novas abilitads.
En medem temp han els er empruvà da respectar ils auters utilisaders dal trail.
Durant la pausa meritada avain nus discutà ensemen davart respect e resguardar, er envers la natira.
Per sa rinforzar hai dà in dutsch d’uvas Fairtrail. Il pachet vid avain nus naturalmain rimnà dal terren e prendì cun nus. Cler sco il sulegl! 😉