La primavaira s’avischina a pass gronds. 🌷
Nus ans preparain per ina nova stagiun d'open air e vegnin baud tar vus en visita per preschentar la campagna Fairtrail 2025. Il program ed ulteriuras novas ed infurmaziuns chattais vus qua sut. Bun divertiment cun leger!

Preschentaziun campagna Fairtrail 2025

Nus vulain preschentar la campagna Fairtrail 2025, rimnar vossas reacziuns davart Fairtrail per pudair optimar il project a lunga vista ed explitgar co ch'ins po utilisar Fairtrail en moda specifica e concreta a nivel da vischnanca u destinaziun. Perquai planisain nus visitas a partir da la mesadad da mars.

Program

• Preschentaziun campagna Fairtrail 2025 (Kevin Suhr, manader extern dal project Fairtrail)
• Discussiun davart la communitad, feedback e giavischs envers Fairtrail (Rolli Anderegg, partiziun gestiun da qualitad)
• Pussaivladads per mesiras specificas a destinaziuns (Christa Häberlin, partiziun pro-pachets)

Vulais era che nus vegnian tar vus? Annunziai-vos tar nus!

Datas

13 da mars

• Engiadin'Ota: En il rom dal barat planisà cun ils represchentants turistics communals

18 da mars

• 10:00, GRF, Cuira – Focus Rainadi da Cuira
• 13:30, Waldhausarena, Flem – Focus Flem fin Surselva
• 16:00, da definir – San Bernardino, Mesauc

19 da mars

• 10:00, Lai – Focus Bike Kingdom
• 13:30, da definir – Bergiaglia, Puschlav

20 da mars

• 09:00, Tschierv – Focus Engiadina Bassa
• 13:30, eventualmain Davos – Focus Davos/Claustra/Partenz

Cercain Fairdinands

Ils Fairdinands contribueschan en il rom da Fairtrail a la fairness ed al respect sin ils senders grischuns, uschia che l’infrastructura da sendas po vegnir mantegnida a lunga vista per peduns e velocipedists. Nus tschertgain bikers, viandants u trailrunners che van gugent avertamain a la glieud encunter. Enconuschais vus persunas che fissan idealas per questa incumbensa? Nus essan fitg engraziads per sustegn en la tschertga da Fairdinands. Ulteriuras infurmaziuns chattais vus en il flyer che pudais trametter vinavant.

Fairtrail-Codex sco tabla d’infurmaziun

Per ch'il Fairtrail-Codex saja bain visibel en l'entir chantun, vegnin nus a producir e metter a disposiziun tablas d'infurmaziun. Per pudair realisar quai tenor basegns, supplicain nus vus da prender part a la curta retschertga. Uschia pudais vus inditgar voss basegn en quai che reguarda format e versiun linguistica. Grazia fitg per vossa collavuraziun!

Portrait dal noss partenari da webshop

Michele Salanitri, futuretail

Jau sun Michele Salanitri, in vendider cun cor e passiun per il commerzi statunal. Cun dapli che 14 onns experientscha sustegn jau differentas branschas dal commerzi per simplifitgar ils process e sa concentrar sin il pli impurtant: generar svieuta e crear emoziuns che restan.

Cun mia fatschenta futuretail GmbH sun jau spezialisà sin il sustegn da mes clients en ils secturs software, digitalisaziun, websites & webshop, svilup da collavuraturs sco er optimaziun da l'assortiment e dals process. En il project "Webshop Fairtrail" avain nus creà in nov shop online simpel e modern, che è intuivabel, inspirant ed integrà optimalmain en ils process existents. Dapli infurmaziuns davart il project e noss servetschs chattais sin www.futuretail.ch.